विमोचनको खर्च पूर्ननिर्माणमा सघाउँदै सुनिता

गायिका तथा गीतकार सुनिता गुरुङले एल्बम विमोचन गर्दा हुने अनावश्यक खर्च जोगाएर सो रकम भूकम्पबाट क्षतीग्रस्त बस्तीको पूर्ननिर्माण कार्यमा सघाउँदै आप्mनो नयाँ एलबम सार्वजनिक गरेकी छिन् । गायिका गुरुङले म्यूजिक भिडियोसहितको आप्mनो पछिल्लो एल्बम ‘सांगीतीक प्यास’ सिताराम कट्टेल ‘धुर्मुस’ र कुञ्जना घिमिरे ‘सुन्तली’ द्धारा सिन्धुपालचोकको मेलम्चीस्थित गिरान्चौरमा निर्माणाधिन एकीकृत नमुना बस्तीलाई सहयोग गर्र्दै सार्वजनिक गरेकी हुन् । गायिका गुरुङले एल्बम विमोचन हुँदा खर्च हुने रकम ५ हजार रुपियाँ कट्टेललाई प्रदान गरेकी थिइन् । त्यसै गरी लायन्स क्लब अफ काठमाडौं टेम्पलका तर्पmबाट प्रेसिडेन्ट अरुणकुमार श्रेष्ठले पनि ५ हजार १ शय ५ रुपियाँ सोहि अवसरमा सहयोग गरेका छन् ।

 ‘यस्तै सानो सानो रकमले २ लाख पनि नभएको हाम्रो धुर्मुस सुन्तली फाउण्डेसनमा २ करोड रुपियाँ बढी जम्मा भएको छ र यो बस्ती निर्माण गर्नका लागि ठूलो हौसला मिलेको छ’ एल्बम विमोचन कार्यक्रममा सितारामले भने ‘यो एलबम जहाँ जसरी विमोचन गरे पनि हुन्थ्यो, तर यहाँ आएर विमोचन गर्दा मेरो र स्थानियवासीको आत्मबल बढेको छ । एल्बम विमोचन गर्दा हुने खर्चको रकम सहयोगले यो बस्ती निर्माणका लागि ठूलो सहयोग पुग्नेछ ।’ सिताराम लगायत कुञ्जनाले पनि गयिका गुरुङलाई धन्यवाद दिइन् । विमोचित एलबमका सबै गीतमा सुनिताको स्वर रहेको छ भने निर्भाना कला केन्द्रको उत्पादन रहेको यो एलबमका गीतहरुमा गायिका स्वयंका साथ भागवता आचार्य र किस्ना आचार्यको गीत तथा बिबी अनुरागी र मिलन लामाको संगीत छ । यी गीतका सबै म्यूजिक भिडियोमा सुदिप बरालको छायांकन तथा ३ भिडियोमा निर्देशन रहेको छ । बाँकी २ गीतको निर्देशन रमेश श्रेष्ठले गरेका छन् । भिसिडी एल्बममा लोक पप शैलीमा पानी पानी, लोक भाकाको रमाइलो पोखरा, सालैजो भाकाको आपैmँ भन, महिला हिंसाविरुद्धको म छोरी म चेली र भूकम्पसम्बन्धी गीत महाबीपत्तीलाई प्रगतिको अवसर बनाऔँ बोलका गीतहरु समावेश छन् ।

Share this: